SHveycariya terma jamoasining Toshkentga keladigan tarkibi malum

O'zbekiston terma jamoasi saralashda Xitoy tennischilarini 3:2 hisobida mag'lubiyatga uchratib, pley-offda ishtirok etish huquqini qo'lga kiritgandi. SHveycariyaliklar esa Jahon ligasi birinchi bosqichida Italiyaga qarshi o'yin o'tkazib, 0:5 hisobida mag'lubiyatga uchragan edi.

Bugun Toshkentga keladigan terma jamoa tarkibi malum bo'ldi. Dunyoning to'rtinchi raketkasi Rojer Federerning Toshkentga kelmasligi avvaldan malum bo'lgandi. Boisi, u jarohat sabab yil so'nggiga qadar boshqa kortga chiqmaydi.  

Quvonarlisi, sayyoramizning uchinchi raketkasi Sten Vavrinka ham poytaxtimizga tashrif buyurmaydi. Bu hali hammasi emas. Dunyo reytingida 144-o'rinni egallab turgan Marko Kyudinelli ham tennischilarimizga qarshi uchrashuvga kelmaydi.

Rasmiy saytda berilgan “zayavka”da Genri Laksonsen (161), Adrien Bossel (472), Antoni Beler (537) hamda Yoan Nikles (890)ning nomi zikr etilgan. Aynan mana shu to'rt nafar tennischi SHveycariya terma jamoasi tarkibida Toshkentga kelishadi. Ularning tashrifi yakshanba kuniga mo'ljallangan.