Shymkent International. Xabibulina yarim finalga chiqdi

“Fyuchers” turkumiga kiruvchi Shymkent International turnirining asosiy to'r bahslarida uchinchi raqam ostida tasniflangan Albina Xabibulina yarim final yo'llanmasini qo'lga kiritdi. Hamyurtimiz hozirgina yakuniga etgan uchrashuvda mezbonlar vakilasini mag'lub etdi.

Xabibulina turnirning oltinchi raketkasi rossiyalik Ulyana Ayzatulinaga qarshi kortga chiqdi. Birinchi set 6:3 hisobida Ulyananing foydasiga hal bo'ldi. Ikkinchi setda Albina 6:2 hisobida zafar quchdi.

Hal qiluvchi uchinchi setning oltinchi geymidan so'ng Ayzatulina jarohat sabab bahsni davom ettira olmasligini malum qildi. Bu vaqtga kelib tennischimiz 5:1 hisobida oldinda borayotgandi. Endi Xabibulina final chiptasi uchun turnirning birinchi raqamli tennischisi rossiyalik Darya Krujkovaga qarshi kortga chiqadi.