20 sen 08:20
Yangiliklar

Tennis

Shymkent Open. Etti tennischimizdan faqat ikki nafari ikkinchi davrada

Qozog'istonning CHimkent shahrida tennis bo'yicha sovrin jamg'armasi 25 000 AQSH dollarini tashkil qiluvchi turnir bo'lib o'tmoqda.

“Fyuchers” turkumiga kiruvchi Shymkent International turnirining asosiy to'r bahslarida 7 nafar tennischimiz o'z imkoniyatini sinovdan o'tkazayotgan edi. Ulardan faqat ikki nafarigina ikkinchi bosqichga yo'l oldi. Qolganlar esa mag'lubiyat alamini totib ko'rishdi.

Humoyun Sultonov qozog'istonlik Timur Maulenovni 6:1, 6:4, Jo'rabek Karimov esa yana bir mezbon tennischi Grigoriy Lomakinni 6:2, 6:1 hisobida mag'lub etdi. Endi Humoyun ikkinchi bosqichda rossiyalik Mixail Fufuginga, Jo'rabek esa yana bir rus tennischisi Vladimir Polyakovga qarshi kortga chiqadi.