26 iyu 15:47
Yangiliklar

Futbol

Sidiqov 416, Komilov esa 362 kundan so'ng rasmiy o'yinda maydonga tushdi

"Paxtakor"ning ikki futbolchisi uzoq muddatli tanaffusdan keyin yana rasmiy o'yinda ishtirok etishdi.

Javohir Sidiqov o'tgan yili 6 may kuni Osiyo CHempionlar Ligasi bahsida "Persepolis"ga qarshi uchrashuvda jarohat olgandi. Bir yildan ortiq muddat davomida tiklangan Javohir kecha Navoiyda "Qizilqum" bilan bellashuvda yana maydonga qaytdi. U bir yil ikki oyga yaqin vaqt davomida katta futbolsiz qoldi.

Akram Komilov esa 2019 yil 29 iyun kuni Qo'qonda "Qo'qon-1912" bilan o'yinda jarohat olgandi. Akram deyarli bir yil vaqtni jarohatdan tiklanishga sarflab, "Qizilqum"ga qarshi bellashuvda maydonga qaytdi. Ushbu futbolchilar "Paxtakor"ning keyingi g'alabalariga hissa qo'shishlariga umid qilamiz va ularga mustahkam sog'liq tilaymiz.

P.S. Sidiqov 416 kun, Komilov esa 362 kundan so'ng rasmiy o'yinda maydonga tushdi.