Sindarov Xalqaro shaxmat akademiyasining yangi rahbari bo'ldi

Kuni kecha Xalqaro shaxmat akademiyasining keyingi faoliyatni yangi bosqichga olib chiqish, istedodli shaxmatchilarni tayyorlash masalalariga bag'ishlangan yig'ilish bo'lib o'tdi. O'zbekiston Respublikasi sport vaziri o'rinbosari SHahrullo Mahmudov, O'zbekiston shaxmat federaciyasi raisining birinchi o'rinbosari Alisher Sadullaev ishtirokida o'tgan yig'ilishda ushbu vazifalar ijrosi tahlil etilishi asnosida tashkiliy masala ko'rib chiqildi.

O'zbekiston shaxmat federaciyasi rahbariyatining taklifiga binoan Xalqaro shaxmat akademiyasi direktori lavozimiga Komil Sindarov nomzodi tasdiqlandi. 

Bundan tashqari tadbir davomida mamlakatimizda shaxmat sohasini yanada rivojlantirish, 2026 yilda yurtimizda bo'lib o'tadigan 46-Butunjahon shaxmat olimpiadasi o'yinlariga har tomonlama mukammal tayyorgarlik ko'rish, shaxmatchilarimizning xalqaro musobaqalardagi ishtiroki to'g'risidagi ko'plab masalalar muhokama qilindi. Mutasaddilarga tegishli vazifalar berildi.