Sinquefield Cup 2025. Nodirbek Abdusattorov antirekord sari yuzlanmoqda

Grand Chess Tour’ning yakuniy klassik bosqichi 29 avgustga qadar davom etadi va aylanma tizimda 9 turdan iborat bo'ladi. Ushbu bosqich GCT ochkolari uchun so'nggi imkoniyat hisoblanadi. Dunyoning ko'zga ko'ringan va reytingi yuqori bo'lgan 10 nafar grossmeysteri qatori hamyurtimiz Nodirbek Abdusattorov (2771) ham sovrinli o'rinlar uchun bahs olib bormoqda. 

Afsuski, grossmeysterimiz o'tkazilgan 4 ta uchrashuvning 3 tasida raqiblariga imkoniyatni boy berdi. Faqat 3-turda hindistonlik Rameshbabu Praggnanandha (2779) bilan durangga imzo chekdi. Nodirbek amerikalik Levon Aronyan, amaldagi jahon chempioni Gukesh Dommaradju va kecha 4-turda amerikalik Fabiano Karuanadan alamli mag'lubiyatni qabul qilib oldi. To'rtinchi turining qolgan barcha partiyalarida tomonlar durangga imzo chekishdi.

Bugun Sinquefield Cup 2025 turnirining 5-turida hamyurtimiz qora donalarda amerikalik Sem Sevianga qarshi bahs olib boradi. Sevian 2 ochko bilan 8, Nodirbek esa 0,5 ochko bilan oxirgi 10-o'rinni egallab turibdi. Beshinchi tur uchrashuvlari ham bizning vaqt bilan soat 22:00da boshlanadi. Turnir jadvalida 5-tur oldidan Fabiano 3 ochko bilan yakka peshqadam bo'lib oldi. Levon Aronyan va Rameshbabu Praggnanandha hisobida 2,5 ochkodan bor.

Sinquefield Cup 2025. 4-tur natijalari:

Uesli So (AQSH) - Alireza Firuzdja (Franciya) 1/2-1/2

Levon Aronyan (AQSH) - Yan-Krishtof Duda (Polsha) 1/2-1/2 

Gukesh Dommaradju (Hindiston) - Maksim Vashe-Lagrav (Franciya) 1/2-1/2

Rameshbabu Praggnanadha (Hindiston) - Sem Sevian (AQSH) 1/2-1/2

Nodirbek Abdusattorov (O'zbekiston) - Fabiano Karuana (AQSH) 0-1 

Sinquefield Cup 2025. 5-tur juftliklari:

Yan-Krishtof Duda (Polsha) - Gukesh Dommaradju (Hindiston)

Fabiano Karuana (AQSH) - Uesli So (AQSH) 

Sem Sevian (AQSH) - Nodirbek Abdusattorov (O'zbekiston) 

Alireza Firuzdja (Franciya) - Levon Aronyan (AQSH)

Maksim Vashe-Lagrav (Franciya) - Rameshbabu Praggnanadha (Hindiston)