Sinquefield Cup 2025. Nodirbek Abdusattorov ochko oldi

Grand Chess Tour’ning yakuniy klassik bosqichi 29 avgustga qadar davom etadi va aylanma tizimda 9 turdan iborat bo'ladi. Ushbu bosqich GCT ochkolari uchun so'nggi imkoniyat hisoblanadi. Dunyoning ko'zga ko'ringan va reytingi yuqori bo'lgan 10 nafar grossmeysteri qatori hamyurtimiz Nodirbek Abdusattorov (2771) ham sovrinli o'rinlar uchun bahs olib bormoqda. 

Grossmeysterimiz o'tkazilgan 5 ta uchrashuvning 3 tasida raqiblariga imkoniyatni boy berdi, 2 tasida esa durangga rozi bo'ldi. Uchinchi turda hindistonlik Rameshbabu Praggnanandha (2779), kecha 5-turda amerikalik Sem Sevian bilan murosaga keldi.  Beshinchi turning barcha partiyalarida tomonlar durangga imzo chekishgan. 

Bugun Sinquefield Cup 2025 turnirida dam olish kuni sifatida elon qilingan. Ertaga o'tkaziladigan 6-turda hamyurtimiz oq donalarda franciyalik Maksim Vashe-Lagravga qarshi bahs olib boradi. Maksim 5 imkoniyatdan 2,5 ochko jamg'arib, qo'shimcha ko'rsatkichlarga ko'ra 5-o'rinni band etgan. To'rtinchi o'rindagi Uesli So, 8-pog'onadagi Gukesh Dommaradju hisobida ham 2,5 ochkodan bor. Nodirbek esa 1 ochko bilan oxirgi 10-o'rinni egallab turibdi. 

Sinquefield Cup 2025. 5-tur natijalari:

Yan-Krishtof Duda (Polsha) - Gukesh Dommaradju (Hindiston) 1/2-1/2

Fabiano Karuana (AQSH) - Uesli So (AQSH) 1/2-1/2

Sem Sevian (AQSH) - Nodirbek Abdusattorov (O'zbekiston) 1/2-1/2

Alireza Firuzdja (Franciya) - Levon Aronyan (AQSH) 1/2-1/2

Maksim Vashe-Lagrav (Franciya) - Rameshbabu Praggnanadha (Hindiston) 1/2-1/2

Sinquefield Cup 2025. 6-tur juftliklari:

Nodirbek Abdusattorov (O'zbekiston) - Maksim Vashe-Lagrav (Franciya)

Gukesh Dommaradju (Hindiston) - Alireza Firuzdja (Franciya) 

Rameshbabu Praggnanadha (Hindiston) - Yan-Krishtof Duda (Polsha)

Sem Sevian (AQSH) - Fabiano Karuana (AQSH) 

Levon Aronyan (AQSH) - Uesli So (AQSH)