22 avg 07:53
Yangiliklar
![](/upload/storage/308765_220.jpg)
Sinquefield Cup. Nodirbek Abdusattorov ishtirok etayotgan turnirda 3-tur ortda qoldi
Grand Chess Tour musobaqasining beshinchi bosqichi hisoblangan ushbu turnirning mukofot jamg'armasi 350 000 AQSH dollarini tashkil etadi. G'olib shaxmatchi 100 000 dollarga ega chiqadi. Musobaqada dunyoning 10 nafar kuchli grossmeysterlari bosh sovrin uchun bahslarga kirishdi. Ular orasida jahon chempioni Nodirbek Abdusattorov (2762) ham bor.
Afsuski, turnirning 3-turida hamyurtimiz qora donalarda musobaqaning birinchi raqamli ishtirokchisi, jahon reytingida 3-o'rinda borayotgan Fabiano Karuana (AQSH, 2793)ga imkoniyatni boy berib qo'ydi. Nodirbek ikkita durangdan so'ng ilk bor yutqazdi.
Turnir jadvalida peshqadam bo'lib kelgan Alireza Firuzja (Franciya, 2751) oq donalarda o'ynashiga qaramay, Maksim Vashe-Lagrav (Franciya, 2721)ni mag'lub eta olmadi. Partiya durang bilan yakunlandi. Uchinchi turning qolgan ikkita partiyasida ham tomonlar murosaga kelishdi.
Turnir ishtirokchilari: Fabiano Karuana (AQSH, 2793), Yan Nepomnyashhiy (FIDE, 2767), Dommaradju Gukesh (Hindiston, 2766), Nodirbek Abdusattorov (O'zbekiston, 2762), Uesli So (AQSH, 2751), Alireza Firuzja (Franciya, 2751), Rameshbabu Pragnanandxa (Hindiston, 2749), Anish Giri (Niderlandiya, 2746), Din Lijen (Xitoy, 2745), Maksim Vashe-Lagrav (Franciya, 2721).
Bugun Nodirbek 4-turda qora donalarda francuz Maksim Vashe-Lagravga qarshi bahs olib boradi. Uchinchi turdan so'ng turnir jadvalida qo'shhokimlik yuzaga keldi. FIDE bayrog'i ostida o'ynayotgan Yan Nepomnyashiy va Alireza Firuzja 2 ochkodan jamg'arib, peshqadamlik qilishyapti. Olti nafar grossmeyster 1,5 ochkodan jamg'argan. Bir ochkoga ega bo'lib turgan Nodirbek Abdusattorov va niderlandiyalik Anish Giri so'nggi pog'onalardan joy olishgan.
Fikrlar