Sinquefield Cup. Nodirbek Abdusattorov peshqadam bilan o'ynadi

Grand Chess Tour musobaqasining beshinchi bosqichi hisoblangan ushbu turnirning mukofot jamg'armasi 350 000 AQSH dollarini tashkil etadi. G'olib shaxmatchi 100 000 dollarga ega chiqadi. Musobaqada dunyoning 10 nafar kuchli grossmeysterlari bosh sovrin uchun bahslarga kirishdi. Ular orasida jahon chempioni Nodirbek Abdusattorov (2762) ham bor. 

Turnirning 2-turida hamyurtimiz oq donalarda peshqadam Alireza Firuzja (Franciya, 2751)ga oq donalarda o'ynab, durangga imzo chekdi. Nodirbek 1-turda qora donalarda Rameshbabu Pragnanandha (Hindiston, 2749) bilan murosaga kelgandi. Alireza esa 1-turda turnirda hozirgacha yagona bo'lib turgan g'alabaga erishgandi. U qora donalarda harakat qilganiga qaramay, turnirning birinchi raqamli ishtirokchisi, amerikalik Fabiano Karuanani mag'lub etishni uddalagandi. Ikkinchi turning barcha partiyalarida grossmeysterlar murosa ko'chasini tanlashdi. 

Turnir ishtirokchilari: Fabiano Karuana (AQSH, 2793), Yan Nepomnyashhiy (FIDE, 2767), Dommaradju Gukesh (Hindiston, 2766), Nodirbek Abdusattorov  (O'zbekiston, 2762), Uesli So (AQSH, 2751), Alireza Firuzja (Franciya, 2751), Rameshbabu Pragnanandxa (Hindiston, 2749), Anish Giri (Niderlandiya, 2746), Din Lijen (Xitoy, 2745), Maksim Vashe-Lagrav (Franciya, 2721).

Ikkinchi turdan so'ng turnir jadvalida Firuzja 1,5 ochko bilan yakka peshqadamligini davom ettirmoqda. Fabiano Karuana 0,5 ochko bilan so'nggi 10-pog'onadan joy olgan. Qolgan barcha grossmeysterlar hisobida 1 tadan ochko bor. Nodirbek qo'shimcha ko'rsatkichlarga ko'ra 4-o'rinni egallab turibdi. Bugun Abdusattorov qora donalarda autsayder Karuanaga qarshi bahs olib boradi.