Sinquefield Cup. Nodirbek Abdusattorov qatnashayotgan turnirda 6-partiya o'tkazildi (barcha malumotlar)

Grand Chess Tour musobaqasining beshinchi bosqichi hisoblangan ushbu turnirning mukofot jamg'armasi 350 000 AQSH dollarini tashkil etadi. G'olib shaxmatchi 100 000 dollarga ega chiqadi. Musobaqada dunyoning 10 nafar kuchli grossmeysteri bosh sovrin uchun bahs olib bormoqda. Ular orasida jahon chempioni Nodirbek Abdusattorov (2762) ham bor. 

Bir kunlik tanaffusdan so'ng turnirda 6-tur partiyalari o'ynaldi. Hamyurtimiz qora donalarda autsayder Anish Giri (Niderlandiya, 2746)ga qarshi bahs olib bordi va durangga imzo chekdi. Bugun o'tkaziladigan 7-partiya oldidan Nodirbek 5 durang va 1 mag'lubiyatga ega bo'lib turibdi. U hamon ushbu musobaqada g'alaba qozona olmayapti.  

Oltinchi turda ham avvalgi turlarda bo'lgani singari bitta g'alaba qayd etildi. Musobaqada birinchi raqam ostida tasniflangan Fabiano Karuana (AQSH, 2793) qora donalarda o'ynashiga qaramay, ikkinchi raqamli shaxmatchi Yan Nepomnyashiy (FIDE, 2767) ustidan g'alabaga erishdi. Turnirda peshqadamlik qilayotgan Alireza Firuzja (Franciya, 2751) esa qora donalarda amerikalik Uesli So bilan murosaga keldi. 

Bugun turnirning 7-turida Nodirbek Abdusattorov oq donalarda Uesli Soga qarshi bahs olib boradi. Ettinchi tur oldidan hamyurtimiz 2,5 ochko bilan qo'shimcha ko'rsatkichlarga ko'ra 9-o'rinni egallab turibdi. Sakkizinchi pog'onadagi Yan hisobida ham 2,5 ochko bor. Aliriza 4 ochko bilan yakka pushqadam. Kuchli uchlikdan joy olgan Karuana va So hisobida 3,5 tadan ochko bor. 

Turnir ishtirokchilari: Fabiano Karuana (AQSH, 2793), Yan Nepomnyashhiy (FIDE, 2767), Dommaradju Gukesh (Hindiston, 2766), Nodirbek Abdusattorov (O'zbekiston, 2762), Uesli So (AQSH, 2751), Alireza Firuzja (Franciya, 2751), Rameshbabu Pragnanandxa (Hindiston, 2749), Anish Giri (Niderlandiya, 2746), Din Lijen (Xitoy, 2745), Maksim Vashe-Lagrav (Franciya, 2721).