Sinquefield Cup. Nodirbek Abdusattorovda durang va boshqa natijalar

Grand Chess Tour musobaqasining beshinchi bosqichi hisoblangan ushbu turnirning mukofot jamg'armasi 350 000 AQSH dollarini tashkil etadi. G'olib shaxmatchi 100 000 dollarga ega chiqadi. Musobaqada dunyoning 10 nafar kuchli grossmeysterlari bosh sovrin uchun bahslarga kirishdi. Ular orasida jahon chempioni Nodirbek Abdusattorov (2762) ham bor. 

Turnirning 4-turida hamyurtimiz qora donalarda Maksim Vashe Lagrav (Franciya, 2721)ga qarshi bahs olib bordi va durangga imzo chekdi. To'rtinchi turda bitta g'alaba qayd etildi. Amerikalik Uesli So oq donalarda o'ynab, FIDE bayrog'i ostida harakat qilayotgan Yan Nepomnyashiyni taslim etdi. Musobaqaning birinchi raqamli ishtirokchisi, jahon reytingida 3-o'rinda borayotgan Fabiano Karuana (AQSH, 2793) qora donalarda xitoylik Din Lijen bilan murosaga keldi. Turnir jadvalida peshqadamlik qilayotgan Alireza Firuzja (Franciya, 2751) qora donalarda hindistonlik Gukesh bilan durang qayd etdi. 

Turnir ishtirokchilari: Fabiano Karuana (AQSH, 2793), Yan Nepomnyashhiy (FIDE, 2767), Dommaradju Gukesh (Hindiston, 2766), Nodirbek Abdusattorov  (O'zbekiston, 2762), Uesli So (AQSH, 2751), Alireza Firuzja (Franciya, 2751), Rameshbabu Pragnanandxa (Hindiston, 2749), Anish Giri (Niderlandiya, 2746), Din Lijen (Xitoy, 2745), Maksim Vashe-Lagrav (Franciya, 2721).

Bugun Nodirbek 5-turda oq donalarda turnirning uchinchi tartib raqamli shaxmatchisi Dommaradju Gukesh (Hindiston, 2766) bilan munosabatlariga oydinlik kiritib oladi. To'rtinchi turdan so'ng turnir jadvalida qo'shhokimlik yuzaga kelgan. Alireza Firuzja va Uesli So 2,5 ochkodan jamg'arib, peshqadamlik qilishyapti. Olti nafar grossmeyster 2 ochkodan jamg'argan. Bir yarim ochkoga ega bo'lib turgan Nodirbek Abdusattorov va niderlandiyalik Anish Giri so'nggi pog'onalardan joy olishgan.