Sinquefield Cup. Nodirbek Abdusattorovda yana durang va boshqa natijalar

Grand Chess Tour musobaqasining beshinchi bosqichi hisoblangan ushbu turnirning mukofot jamg'armasi 350 000 AQSH dollarini tashkil etadi. G'olib shaxmatchi 100 000 dollarga ega chiqadi. Musobaqada dunyoning 10 nafar kuchli grossmeysterlari bosh sovrin uchun bahslarga kirishdi. Ular orasida jahon chempioni Nodirbek Abdusattorov (2762) ham bor. 

Turnirning 5-turida hamyurtimiz oq donalarda Dommaradju Gukesh (Hindiston, 2766)ga qarshi bahs olib bordi va durangga imzo chekdi. Nodirbek 4 durang va 1 mag'lubiyatga ega bo'lib turibdi. U hali bu musobaqada g'alaba qozona olmadi. 

Beshinchi turda ham avvalgi turlarda bo'lgani singari bitta g'alaba qayd etildi. Musobaqada peshqadamlik qilayotgan Alireza Firuzja (Franciya, 2751) oq donalarda o'ynab, autsayder Anish Giri (Niderlandiya, 2746)ni taslim etdi. Ushbu g'alabadan keyin Alireza 3,5 ochko bilan yakka peshqadam bo'lib oldi. Amerikalik Uesli So 3 ochko bilan 2-o'rinni band etgan. 

Bugun turnirda dam olish kuni sifatida elon qilingan. Nodirbek Abdusattorov ertaga o'tkaziladigan 6-turda qora donalarda turnirda so'nggi o'rinni egallab turgan Anish Giri bilan hisob-kitob qiladi. Giri hisobida 1,5, Nodirbekda esa 2 ochko bor. Oltinchi tur oldidan olti nafar grossmeyster 2,5 ochkodan jamg'argan. 

Turnir ishtirokchilari: Fabiano Karuana (AQSH, 2793), Yan Nepomnyashhiy (FIDE, 2767), Dommaradju Gukesh (Hindiston, 2766), Nodirbek Abdusattorov  (O'zbekiston, 2762), Uesli So (AQSH, 2751), Alireza Firuzja (Franciya, 2751), Rameshbabu Pragnanandxa (Hindiston, 2749), Anish Giri (Niderlandiya, 2746), Din Lijen (Xitoy, 2745), Maksim Vashe-Lagrav (Franciya, 2721).