25 dek 07:22
Yangiliklar

Suv sporti turlari

Sinxron suzuvchilarimiz Rossiyadagi musobaqada ikkita medal qo'lga kiritishdi

20-24 dekabr kunlari Rossiya Federaciyasining CHexov shahrida sinxron suzish bo'yicha 13 yoshgacha bo'lgan o'smirlar o'rtasida "Russkaya matryoshka" xalqaro turniri o'tkazildi.

Musobaqada mezbon Rossiyadan tashqari, Belarus, Qozog'iston, Singapur va O'zbekistondan kelgan yosh qizlar g'oliblik uchun bahs olib borishdi. Ushbu musobaqada terma jamoamiz sharafini Darya Kochneva hamda Elizaveta Kasatkina himoya qildi.

Quvonarlisi, yosh sportchilarimiz turnirda ikkita medal qo'lga kiritishdi. Sportchilarimiz musobaqaning dastlabki kuni duet yo'nalishida ishtirok etishdi va bronza medaliga ega chiqishdi. Kecha esa Darya Kochneva "solo" dasturida kumush medalni qo'lga kiritdi.

SHu tariqa, o'smirlar terma jamoamiz Rossiyadagi xalqaro turnirni bitta bronza va bitta kumush medali bilan yakunladi.