"Sky Chess" maktabi "Home Market Cup" musobaqasini o'tkazdi

Toshkentdagi "Wyndham" mehmonxonasida bo'lib o'tgan musobaqada Sky Chess shaxmat maktabining 50 nafardan ortiq o'quvchilari ishtirok etishdi. Takidlash lozimki, saralash bahslarida maktabning jami 150 nafardan ortiq yosh shaxmatchisi ishtirok etgan edi.

Soat 10:00da boshlangan musobaqaning taqdirlash marosimi 17:00da bo'lib o'tdi. Bahslar shiddatli va kurashlarga boy o'tdi. Quvonchli g'alabalar va alamli mag'lubiyatlar kuzatildi. Taqdirlash marosimiga mashhur shaxmatchi Saidali Yuldashev tashrif buyurib bolajonlarga olam-olam quvonch ulashdi. Tashkilotchilar barcha g'olib va sovrindorlarga medallar hamda kuboklarni topshirishdi. Yaqin kelajakda mana shu musobaqada ishtirok etgan o'g'il va qizlar O'zbekiston sharafini jahonda munosib himoya qilishlariga ishonib qolamiz.

Home Market Cup g'oliblari:

O'g'il bolalar o'rtasida
1.Madaminov Muhiddin
2.Suyarov Muhammadzohid
3.Ataxanov Sanjar

Qizlar o'rtasida
1.Bahodirjonova Hadichabonu
2.Yusupova Dono
3.Mansurova Mumtozbegim

10 yoshgacha bolalar o'rtasida
1.Qo'ziev Miraziz
2.Ataxanov Umar
3.Umirzoqov Alisher

10 yosh qizlar o'rtasida
1.Damirova Malika
2.Rashidova Oydinoy
3.Abdumo'minova Go'zal

6 yoshgacha o'rtasida
1.Toshtemirov SHaxzod
2.Karimov Sardor
3.Alimov Artur

Xondamir Muslimov (Home Market bosh direktori):
 "SHaxmat - bolalarga rivojlanish va qo'yilgan maqsadlar sari intilishda yordam beradigan sport turi hisoblanadi. Mashg'ulotlar vaqtida mantiqiy va abstrakt fikrlashni o'stiradi. Home Market ushbu musobaqaga mamnuniyat bilan homiylik qildi".

Nafisa Mo'minova (Sky Chess maktabi rahbari, xalqaro toifadagi grossmeyster):
"Bu musobaqa bolajonlar va ularning ota-onalari uchun o'ziga xos bayramga aylanib ketdi. Maktabimiz tarbiyalanuvchilari o'rtasida sog'lom raqobat yuzaga keldi va biz bundan xursandmiz albatta. Sky Chess 2014 yildan buyon o'z faoliyatini yuritib kelmoqda. Bungacha turli kichik musobaqalar o'tkazilgan, biroq bunchalik katta ko'lamdagi turnir ilk bor tashkil etildi. Home Market Cup musobaqasiga homiylik qilgan  Home Market kompaniyasi, "Wyndham" mehmonxonasi, "Nesquik" savdo belgisi, "Author Coaching Group"  va "kommersant.uz" saytiga o'zimiz va bolajonlar nomidan minnatdorchilik bildiramiz".