Sobiq Bellator chempioni UFC’dan haydaldi, uning yangi borar manzili ham aniq

Engil vazn toifasida sobiq Bellator chempioni Patrik "Petchi" Miks dunyoning eng kuchli ligasi rosterini ikki mag'lubiyat bilan tark etdi. Amerikalikning navbatdagi to'xtash joyi Yaponiya bo'ladi. Miks u erda 6 mart kuni Tokiodagi RIZIN 52 turnirida ishtirok etadi.

Miksning raqibi yaponiyalik Kioma Akimoto bo'ladi, bu haqda Yaponiya promousheni vakillari rasman malum qildi. Amerikalik 32 yoshli jangchi uchun bu nafaqat tashkilotning, balki vazn toifasining ham o'zgarishi bo'ladi. Og'ir kechayotgan vazn tashlashlar sabab u faoliyatini muvaffaqiyatli yo'nalishga qaytarish umidida yarim engil divizionga ko'tarilmoqda.

Bellator PFL ligasiga qo'shib olinishidan oldin Patrik Miks UFC’dan tashqarida faoliyat yurituvchi eng kuchli jangchilardan biri hisoblangan. Tashkilotlar birlashgandan so'ng, amerikalik UFC bilan shartnoma imzoladi va u erda debyut jangida hakamlarning yakdil qarori bilan Mario Bautistaga yutqazdi. Keyin esa KSW sobiq chempioni Yakub Viklatsga alohida qaror bilan yana mag'lub bo'ldi.

Miksning 19 yoshli raqibi Kiomo Akimota professional faoliyatida 11 g'alaba va 1 ta mag'lubiyat qayd etgan. Ayni paytda yaponiyalik Rizin ligasida 4 ta g'alabali seriyada kelmoqda, ulardan 3 tasini muddatidan oldin qo'lga kiritgan.