22 iyu 15:39
Yangiliklar
Sobiq futbolchi 2 milliard so'mga stadion tamirlamoqchi
"Futbol maktabi va Farg'ona davlat universiteti bitiruvchisi hisoblanaman.
Professional darajada futbol bilan shug'ullanganman. Faoliyatim davomida
"Neftchi", "Nasaf" va O'zbekiston terma jamoasida to'p tepganman. Kerakli
bilim va tajribaga ega bo'ldim. Mablag' yig'dim. Yaypan shahar, O'zbekiston
tumanimizda 70 yillarda qurilgan stadion bor. Ayni damda stadion
qarovsiz ahvolda.Yuzlab bolalar har kuni o'sha erda shug'llanishadi.
Hokimiyatga murojaat qilib, stadionni tamirlash uchun 2 mlrd. so'm
investitciya kiritmoqchiligimni malum qildim. Bu mablag'ni futbolchilik
faoliyatim davomida to'plaganman, buning ustiga do'stlarim ham bor.
Kelajakda mana bunday sport majmuasini yaratmoqchiman. Hokimimizni oldiga kirsak, kimsan, qaerdan kelding, malumoting qanday deb so'ramadilar. Masalan, faoliyatim davomida ko'plab mamlakatlarga borganman va u erdagi arenalardan andoza oldim. Maqsadim bolalar sportini rivojlantirish, ularning bo'sh vaqtini samarali o'tkazish.
Oktyabr oyida Farg'ona viloyati hokimi sayyor qabulida bo'ldim. U kishi menga mablag'ni qaerdan olasan deb so'radilar. O'z mablag'larim evaziga ushbu ishni bajarmoqchiligimni va 30dan ortiq ish o'rni yaratmoqchi ekanligimni aytdim. CHunki bu stadionga murabbiylar kerak.
10 yil ichida Osiyo yoki jahon miqiyosida birorta futbolchi tarbiyalay olsak, O'zbekiston tumanimizning iqtisodiyotiga katta yordam bergan bo'ladi. Masalan, o'sha futbolchi yiliga 3 mln. dollar topsa, bu mablag' evaziga zavod, fabrikalar qurish mumkin. Biznes bu faqat tikuvchilik yoki savdo-sotiq emas. Bolalar esa nazoratsiz qolmaydi" - deydi G'ayrat Hasanov.
Fikrlar