Sohil o'yinlarining musiqasi tayyor. Ammo...

Kecha Sohil o'yinlari tashkiliy qo'mitasi faoliyat boshlaganligining bir yilligi munosabati bilan Xitoydagi axborot vositalari orqali Sane o'yinlari rasmiy musiqiy jamlanmasining taqdimotini o'tkazdi.

“Saneda ko'rishamiz” deb nomlangan musiqiy jamlanma taniqli qo'shiqchi CHjen Xaya ijrosida ingliz tilida ijro etilgan bo'lib, musiqiy va tasvir jihatdan o'yinlarning barcha jihatlari qamrab olingan. Jumladan, unda ishtirok etadigan valantyorlardan tortib barcha xizmatchilarning harakat doirasi, hudud tarixi va boshqa ko'plab omillar alohida-alohida video roliklar orqali namoyish etilgan.

Osiyo olimpiya kengashi va ushbu musobaqaga dahldor xalqaro sport tashkilotlari Xitoy tomonining ushbu harakatidan tajjubini yashirmadi. Koronavirus sababli sohil o'yinlarining 2021 yilga qoldirilishi bo'yicha kerakli xujjatlar imzolanayotgan bir paytda Sane sport tadbirlari “musiqiy bo'y ko'rsatishi” uning qayta kun tartibiga ko'tarilayotganidan dalolatdek tasavvur uyg'atmoqda. 

SHu o'rinda aytish lozimki, koronavirusning keng yoyilishi oqibatida bundan bir oy muqaddam Xitoy hukumati 2020 yil davomida mamlakatda bo'lib o'tishi belgilangan sport tadbirlarini bekor qilish bo'yicha tegishli qaror chiqargan edi. Natijada bir qator xalqaro sport tashkilotlari joriy yil Xitoy hududida o'tadigan tadbirlarni keyingi yilga kuchirilganligi bo'yicha rasmiy bayonotlar berishdi.

Jumladan, taqvim rejaga asosan Xitoyning janubiy Xaynan orollariga tegishli Sane shahrida o'tkazilishi belgilangan VI sohil o'yinlarini keyingi yilning qaysi sanalariga ko'chirish borasida Osiyo olimpiya kengashida malum ishlar qilinayotgandi. 

Osiyo olimpiya kengashining ocasia.org sayti tarqatgan xabarga ko'ra, Sohil o'yinlari tashkiliy qo'mitasining ushbu harakati barchani tajjubli holga qo'ygani sababli OOK Xitoy vakillari bilan muzokaralarga kirishmoqda.

To'lqin RO'ZIEV