Sovg'aga “Neksiya” va “Spark” qo'yilgan Mo'ynoq Rallisi yakunlandi FOTOGALEREYA

Kecha ilk bor tashkil etilgan katta masshtabdagi poyga musobaqasining tantanali yopilish hamda taqdirlash marosimi o'tkazildi. Poyganing yopilish marosimida musobaqa  g'oliblarini Qoraqalpog'iston Respublikasi Joqari Kengesi raisi Erniyazov Musa Tajetdinovich tabrikladi. Madaniyat vazirligi tomonidan koncert dasturi tashkil etildi.

Ikki toifada o'tkazilgan musobaqaning g'oliblariga “Prezident sovg'asi” sifatida “Neksiya” hamda “Spark” avtomobillari topshirildi. “A-8” toifali, motor sig'imi 1600 sm3 gacha bo'lgan avtomobillar o'rtasida jizzaxlik Furqat Axrorqulov g'olib bo'ldi va “Spark” mashinasini qo'lga kiritdi.

“A-9” toifali, motor sig'imi 2000 sm3 gacha bo'lgan avtomobillar poygasida Andijon viloyatidan Sardor Xo'jaev g'olib bo'ldi va “Neksiya” avtomashinasiga ega chiqdi. Ikkinchi va uchinchi o'rin egalariga mos ravishda 15 hamda 7 million so'mdan pul mukofotlari topshirildi. 

“Ralli Mo'ynoq-2019” g'oliblari:

“A-8” toifali avtomobillar o'rtasida, motor sig'imi 1600 sm3 gacha

1-o'rin: Jizzax viloyatidan Furqat Axrorqulov (shturman: Asqar Hasanov), “Spark” avtomashinasi

2-o'rin: Qoraqalpog'iston Respublikasidan Timur Narziqulov (shturman: Qilichbek Narziqulov), 15 mln.so'm

3-o'rin: Andijon viloyatidan Ibrohim To'ychiev (shturman: Abdumannon Kazakov), 7 mln.so'm

“A-9” toifali avtomobillar o'rtasida, motor sig'imi 2000 sm3 gacha

1-o'rin: Andijon viloyatidan Sardor Xo'jaev (shturman: Akmal Jo'raev), “Neksiya” avtomashinasi

2-o'rin: Toshkent shahridan Jahongir Jabborov (shturman: Rauf Gasanov), 15 mln.so'm

3-o'rin: Namangan viloyatidan Alikay Xayrullaev (shturman: Rahim SHermatov), 7 mln.so'm