Spartak Oston O'runov uchun 2+2 million evro to'lashga tayyor

Sport24 sayti jurnalisti Maksim Allanazarovga ko'ra, Moskva klubi «Ufa»ga dastlab 2 million evro to'laydi. Agar futbolchi «Spartak»da ikki yil o'ynasa, «Ufa» yana 2 million evro oladi.

Manbaga ko'ra yana bir variant mavjud: «Ufa» O'runov uchun 2 million evro oladi va keyingi transferning yarim puliga ega bo'ladi.

Oldinroq «Spartak» O'runovni sotib olishga yaqin ekanligi, tomonlar shaxsiy shartnoma borasida muzokara olib borishayotgani va yaqin orada transfer rasman elon qilinishi haqida xabar chiqqandi.

O'runov Toshkentning «Lokomotiv» klubidan shu yilning fevral oyida «Ufa»ga ko'chib o'tgandi.