Sport vazirligida paralimpiya harakatini rivojlantirishga bag'ishlangan taqdimot bo'lib o'tdi

Asosiy etibor "Los-Anjeles 2028" Paralimpiya o'yinlariga tayyorgarlik, sport turlarini kengaytirish va sportchilarni samarali tayyorlashga qaratildi.

SHuningdek, qurilayotgan Olimpiya shaharchasi hududida paralimpiya tizimini shakllantirish, adaptiv sport turlari uchun alohida sharoit yaratish, inklyuziv mashg'ulot jarayonlarini yo'lga qo'yish masalalari ko'rib chiqildi. Hozirda Davlatimiz rahbari topshirig'iga muvofiq, shaharcha hududida parasportchilar uchun 400 o'rinli yotoqxona qurilishi olib borilmoqda.

Tadbir davomida 2027-yilda yurtimizda Para engil atletika bo'yicha Jahon chempionatini qabul qilish imkoniyatlari ham muhokama qilindi. Mazkur musobaqa Paralimpiya o'yinlari uchun licenziya beruvchi ahamiyatga ega bo'lib, uning o'tkazilishi "Los-Anjeles 2028" paralimpiya o'yinlariga tayyorgarlikning muhim bosqichi hisoblanadi.