Sportchilarimiz universal jang bo'yicha jahon kubogida zafar quchishdi

Ikkita yo'nalishda tashkil etilgan bellashuvlarda mamlakatimiz terma jamoasi 28 nafar atletlari bilan muvaffaqiyatli ishtirok etdi.

10 ta vazn toifasida o'tkazilgan musobaqalarda dunyoning 15 mamlakatidan tashrif buyurgan bolalar, o'smirlar, yoshlar va kattalar g'oliblik uchun bellashdi.

Murosasiz bahslar ostida o'tgan jahon kubogi musobaqalarida mamlakatimiz terma jamoasi azolari xam muvaffaqiyatli natijalarni qo'lga kiritishdi.

12-13 yoshlilar o'rtasida o'tkazilgan bellashuvlarda Qidirov Dilshod, 14-15 yoshlilar o'rtasida esa Begzod Abdurazzoqov , 16-17 yoshlilar o'rtasida o'tgan bahslarda Begzod Begmanovlar o'z vazn toifasida jahon kubogi g'olibiga aylanishdi.

Qizlar o'rtasida o'tkazilgan bahslarda terma jamoamiz azosi Nargiza SHoyatova o'z vazn toifasida 1-o'rinni qo'lga kiritdi.

SHunday qilib, jahon kubogi yakuni bo'yicha musobaqa mezboni Ukraina 1-o'rinni egallagan bo'lsa, 2-o'rin moldaviyalik atletlarga nasib etdi, O'zbekiston terma jamoasi sportchilari 3-o'ringa sazovor bo'lishdi.