Sportchilarimizni koronavirusga qarshi emlaymizmi?

SHu o'rinda o'zbek sporti mutasaddilari, muxlislari, shuningdek, terma jamoamiz vakillarida ham atletlarimizni emlash masalasi bo'yicha savollar paydo bo'lmoqda. Kechashu va boshqa bir qator masalalar muhokamasiga bag'ishlangan MOQ Ijroiya qo'mitasi byurosining yig'ilishi bo'lib o'tdi. Unda MOQ raisi Rustam SHoabdurahmonov, Bosh kotib Oybek Kasimov, rais o'rinbosarlari Saken Polatov, Azizjon Kamilov, SHerzod Tashmatov, Qo'mita qoshidagi Respublikasi sport tibbiyoti ilmiy amaliy markazi direktori Abdushukur Sadikov, shuningdek MOQ va tibbiyot markazining boshqa mutasaddilari ishtirok etishdi.

Byuro yig'ilishining asosiy mavzusi sportchilarimizni koronavirusga qarshi emlash bo'ldi. Uchrashuvda MOQ raisi ishtirokchilar, ayniqsa, tibbiyot sohasi mutasaddilarining fikrlarini o'rgandi.

Bu borada jahonda keng qo'llanilayotgan vakcinalar haqida mulohazalar olib borildi. Ishtirokchilarning deyarli barchasi, xususan, tibbiyot mutasaddilari bunga javoban xalqaro tajribadan kelib chiqqan holda sportchilarimizni emlash tarafdori ekanliklarini bildirishdi. Faqat buning uchun qaysi vakcinani qo'llash, uning tasirlarini o'rganish kabi jihatlarni etiborga olish zarurligi takidlandi.

“Barcha jihatlarni chuqur tahlil qilgan holda sportchilarimizni emlashimiz kerak. Biroq bunda hukumatimiz, Jismoniy tarbiya va sport vazirligi bilan maslahatlashib olishimiz lozim. Juda nozik vaziyatdamiz. Sportchilarimizni emlamasdan ularni musobaqalarga chiqarish katta tavakkal bo'lib qoldi”, – dedi Rustam SHoabdurahmonov.

Mazkur mavzu yuzasidan RSTIAM mutasaddilariga federaciya va associaciyalar rahbariyati, shifokorlari, murabbiylar bilan sportchilarni emlashga kimlar rozi ekanligini, bu borada Vazirlik mutasaddilarining fikrini o'rganish bo'yicha topshiriq berildi.

SHundan so'ng yaqinlashib kelayotgan Tokio-2020 Olimpiya, shuningdek, Xanchjou-2022 Osiyo va Parij-2024 Olimpiya o'yinlariga olib borilayotgan tayyorgarlik ishlari yuzasidan suhbat davom etdi. Unda SHerzod Tashmatov dastavval Qo'mita qoshida tuzilgan Tezkor shtab faoliyati, uning xodimlariga yuklatilgan vazifalar bo'yicha hisobot topshirdi. Yig'ilish davomida federaciyalarning tayyorgarligini jamoalar mashg'ulotiga halaqit bermagan holda nazorat qilish, biriktirilgan koordinatorlarni qayta ko'rib chiqish va ularning faoliyati uchun tegishli vazifalarni belgilash borasida fikr va takliflar ilgari surildi.