23 mar 16:49
Yangiliklar

Boshqalar

Sportimiz fidoyilariga “O'zbekiston sport faxriysi” ko'krak nishoni topshirildi + FOTO

Xalqimizda aziz anana bor: azal-azaldan qutlug' ayyomlarda, umumxalq bayramlarda yoshi ulug' insonlarga hurmat va ehtirom ko'rsatiladi.

Binobarin,bu milliy qadriyatlarimiz sirasidan, albatta. Zero, ezgu amallar inson hayotini bezaydi. Ezozli udumimiz Navro'z ayyomi kunlari ham isbotini topdi.

Urganch shahridagi “Badminton markazi”da uyushtirilgan marosimda sport tizimida ko'p yillar samarali mehnat qilgan, o'zlarining fidoyiliklari bilan el-yurtga tanilgan xorazmlik Rustam Rahmonov, Baxtiyor Bobojonov va Ikrom Xudoyberganovlar O'zbekiston sport tashkilotlari faxriylar kengashining “O'zbekiston sport faxriysi” ko'krak nishoni bilan taqdirlanishdi.

Xorazm viloyati sport faxriylari kengashi raisi Abduhalim Qutliev mukofotni o'z egalariga topshirar ekan, taqdirlanganlarning soha rivojiga qo'shgan ulkan hissasini alohida qayd etib o'tdi.