“Sportni sev, sport bilan yasha!”: Qoraqalpog'istonning chekka hududlarida sport musobaqalari o'tkazilmoqda

O'zbekiston Respublikasi Prezidentining “Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida”gi Farmoni ijrosini taminlash, aholini ommaviy sportga keng jalb etish maqsadida Qoraqalpog'iston Respublikasida ham bir qator ishlar amalga oshirilmoqda.

2021 yilning fevral oyi Qoraqalpog'iston Respublikasida “Stol tennisi oyligi” etib belgilanganligi munosabati bilan Mo'ynoq tumani “Bozatau” ovul fuqarolar yig'inida joylashgan “Aq keme” bolalar sog'lomlashtirish markazida “Sportni sev, sport bilan yasha!” shiori ostida stol tennis bo'yicha musobaqa o'tkazildi. Unda jami 40 nafar ishtirokchi qatnashdi. Musobaqa yakunida g'olib va sovrindorlar tashkilotchilar tomonidan diplom va estalik sovg'alari bilan taqdirlandilar.

Taxtako'pirda esa tuman jismoniy tarbiya va sport bo'limi Yoshlar ishlari agentligi bilan hamkorlikda hududdagi «G'arezsizlik» mahallasida joylashgan «Dao'qara» o'yingohida tumandagi umumtalim maktablari o'quvchilari o'rtasida engil atletika musobaqasini tashkil etdi. Unda umumtalim maktablaridan qariyb 70 nafar yoshlar ishtirok etdi.

Musobaqa yakunida g'olib va sovrindorlar tashkilotchilar tomonidan diplom va estalik sovg'alari bilan taqdirlanishdi.