Stockholm ATP 250. Birozdan so'ng Istomin - Kovalik uchrashuvi boshlanadi

Xabar berganimizdek, "Stockholm ATP 250" musobaqasida ATP reytingida 249-o'rinni egallab turgan hamyurtimiz Denis Istomin ham o'z omadini sinab ko'rmoqda. Birozdan so'ng mamlakatimizning birinchi raketkasi saralashning final uchrashuvida slovakiyalik Yozef Kovalikka qarshi kortga chiqadi. Denisning raqibi saralashda ikkinchi raqam ostida harakat qilayotgan bo'lib, dunyo reytingida 135-o'rindan joy olgan. 

Saralashda oltinchi raqam ostida tasniflangan Istomin yarim finalda imtiyozli yo'lanma asosida turnirga qo'yilgan, reytingning 511-pog'onasidan joy olgan shveciyalik Jonatan Mridxani 110 daqiqa davom etgan uchrashuvda qiyinchilik bilan mag'lub etgandi - 2/6, 6/3, 6/4.