Stol tennischilarimiz Osiyo chempionatini boshlab olishdi

Musobaqaning ilk kunida jamoaviy bellashuvlar tashkil etildi.

Erkaklar terma jamoamiz guruh bosqichida Tailandga 0:3 hisobida imkoniyatni boy bergan bo'lsa, Ummon terma jamoasi xuddi shu hisobda mag'lub etildi. Guruh bosqichida ikkinchi o'rinni qo'lga kiritgan yigitlarimiz bugun 13-18-o'rinlar uchun Iordaniyaga qarshi bahs olib borishadi.

Ayollar terma jamoamiz esa guruh bosqichida dastlab Qirg'izistonni 3:0, keyin Maldiv orollarini 3:1 hisobida taslim etishdi. Xitoy Taypeyiga qarshi o'yinda esa 0:3 hisobida yutqazishdi. Vakilalarimiz endi 11-14-o'rinlar uchun Qozog'iston bilan bahslashishadi.

Avvalroq, musobaqada ishtirok etadigan tarkiblarimiz haqida xabar bergan edik.