Stol tennisi bo'yicha navbatdagi Osiyo chempionatiga Qozog'iston mezbonlik qiladi

Bu borada 12 sentabr kuni Qozog'iston federaciyasi Osiyo stol tennisi ittifoqidan rasmiy tasdiq oldi.

"Qozog'iston azaldan barcha tadbirlarni yuqori saviyada o'tkazuvchi davlat sifatida o'zini namoyon qildi. Ular stol tennisi bo'yicha xalqaro turnirlar tashkil etishda yildan-yilga yuksak professional mahorat ko'rsatib kelmoqda. SHuning uchun biz Qozog'istonda bunday yirik tadbirni ishga tushirish muvaffaqiyatli bo'lishiga ishonchimiz komil", - deya izoh berdi Osiyo stol tennisi ittifoqi mutasaddisi.

Eslatib o'tamiz, ushbu Osiyo chempionati 2025 yilda Doxada (Qatar) bo'lib o'tadigan yakkalik jahon chempionatiga saralash bosqichi bo'ladi.

Osiyo chempionati 2024 yilning kuzida o'tkazilishi rejalashtirilgan.