Stol tennisi yulduzlari: Uch karra olimpiada chempioni Ma Lin

Ma Lin 1980 yilning 19 fevral kuni Xitoyning Lyaonin shahrida dunyoga kelgan. Ma olti yoshidan boshlab stol tennisining sir asrorlarini o'rganishni boshlagan. 1992 yilda mahalliy jamoaga azo bo'lib kiradi. 1994 yilda esa milliy terma jamoa libosini kiyishga erishadi. 1999 yilda Jahon chempionatining kumush va oltin medallariga ega chiqadi. 2004 yilda Afina shahri mezbonlik qilgan XXVIII yozgi olimpiya o'yinlarida juftlik bahslarida oltin medalni qo'lga kiritgan bo'lsa, to'rt yil o'tib mamlakatida bo'lib o'tgan olimpiada yakkalik va jamoaviy bahslarda oltin medalga ega chiqadi. Ma Jahon chempionatlarida juftlik va jamoaviy bahslarda ko'plab oltin medalga ega chiqqan bo'lishga qaramasdan, hech qachon yakkalik bahslarida oltin medalni qo'lga kirita olmagan. U “ITTF World Tour”  musobaqalarida jami 26 marta zafar quchgan.

O'zbekiston stol tennisi federaciyasi matbuot xizmati