Stol tennisi yulduzlari: Xitoylik bo'lmagan so'nggi ayol jahon chempioni Xyon Djon Xva

Janubiy Koreya vakilasi 1969 yilning 6 oktyabr kuni Pusan shahrida dunyoga keladi. Xyon 8 yoshidan boshlab stol tennisi bilan jiddiy shug'ullanishni boshlagan. 1986 yilda Xyon Djon Xva Osiyo o'yinlarida oltin, Osiyo chempionatida esa kumush medalga ega chiqadi. Kelasi yili esa Jahon chempionatida ham zafar quchadi.

 1988 yilda Seul shahri mezbonlik qilgan yozgi Olimpiya o'yinlarida oltin medalni qo'lga kiritishga erishadi. Uning stol tennisidagi eng so'nggi katta natijasi 1993 yilga to'g'ri keladi va o'sha yili Xyon yana bir bor dunyo birinchiligida oltin medalni qo'lga kiritishga erishadi. Xyon Djon Xva xitoylik bo'lmagan so'nggi ayol jahon chempioni ham hisoblanadi. Sababi 1993 yilgi jahon birinchiligidan so'ng barcha oltin medallar «CHin» yurti vakillariga nasib qilmoqda.

Erishgan yutuqlari:

Olimpiya o'yinlari g'olibi
Uch karra Jahon chempioni
Ikki karra Osiyo o'yinlari g'olibi
Besh karra Osiyo chempioni.