28 fev 04:15
Yangiliklar

Boks/MMA

"Stranja"da umumjamoa hisobida birinchi bo'lgan bokschilarimiz O'zbekistonga qaytib kelishdi + FOTO

Xabaringiz bor, 20-26 fevral kunlari Bolgariyaning Sofiya shahrida boks bo'yicha kattalar o'rtasida xalqaro "Stranja" turniri bo'lib o'tdi.

"Kichik jahon chempionati" sifatida etirof etiladigan mazkur turnirda O'zbekiston terma jamoasi 18 ta medal (7 ta oltin, 5 ta kumush va 6 ta bronza) qo'lga kiritib, umumjamoa hisobida birinchi o'rinni egalladi.

Turnirda muvaffaqiyatli qatnashgan bokschilarimiz bugun yurtimizga qaytib kelishdi. Ular Islom Karimov nomidagi Toshkent xalqaro aeroportida kutib olindi.

Kutib olish jarayonida Yoshlar siyosati va sport vaziri o'rinbosari SHahrillo Mahmudov, O'zbekiston boks federaciyasi bosh kotibi SHohid Tillaboev, federaciya mutasaddilari, sportchilarning yaqinlari, muxlislar va OAV vakillari ishtirok etishdi.