Sud jangiga 18 kun qolgan Jon Jons ishi yuzasidan yakuniy qarorini elon qildi

Jons shu yilning 30 mart kuni tong sahar soat 4 da uyiga kelgan antidoping xodimasining telefonini olib qo'yib, uni haqorat qilgandi. Kamiga majburiyatlarini bajarishdan bosh tortgan amerikalik aralash yakkakurash ustasining bu qilmishi sudga oshirilgan edi.  

CHempionning bu hatti-harakatlari bir yilgacha ozodlikdan mahrum etish va ming dollar miqdoridagi jarimaga sabab bo'lishi aytilgandi. Lekin yakunda sud Jonsdan barcha ayblovlarni olib tashladi. Ammo bir shart bilan. U qo'polligi va asablarini jilovlay olmasligi bo'yicha to'rt soatlik majburiy kursda "davolanadi". 

Eslatib o'tamiz, 37 yoshli Jon Jons 16 noyabr kuni AQSHning Nyu-York shahrida o'tkaziladigan UFC 309 turnirida divizionning sobiq chempioni Stipe Miochichga qarshi oktagonga chiqadi. Bu jang Jon uchun faoliyatidagi so'nggisi bo'lishi mumkin.