31 avg 19:26
Yangiliklar

Tennis

Sultonov ikki g'alabasi evaziga asosiy to'rga chiqdi. Ilk davrada o'zbek derbisiga guvoh bo'lamiz!

Xitoyning CHjanczyagan shahrida tennis bo'yicha "CHellenjer" turkumiga kiruvchi, mukofot jamg'armasi 107 000 AQSH dollarini tashkil etuvchi turnirning saralash bahslari yakunlandi.

International Challenger-Zhangjiagang saralash turnirida ikkinchi raqam ostida tasniflangan hamyurtimiz Humoyun Sultonov ikki g'alabasi evaziga asosiy to'r yo'llanmasini qo'lga kiritdi.

Ikkinchi raketkamiz 1/2 finalda xitoylik Fumin Jiangni 6/4, 6/3 hisobida mag'lub etdi. Saralashning final bahsida esa avstraliyalik Joshua CHarltondan uch set natijasiga ko'ra ustun keldi - 3/6, 6/3, 6/4.

Taqqoslash uchun, ayni paytda Sultonov ATP reytingida 466, Fumin 1718, CHarlton esa 755-pog'onadan joy olgan. Endi asosiy to'rning ilk bosqichida o'zbek derbisiga guvoh bo'lamiz. Sultonov mamlakatimizning birinchi raketkasi, jahon reytingida 295-o'rinni egallab turgan Sergey Fominga qarshi kortga chiqadi.