Sultonov Portugaliya turniri 1/4 finalida, Fomin esa yutqazdi

Mukofot jamg'armasi 25 000 AQSH dollarini tashkil qiluvchi ushbu musobaqada mamlakatimizning birinchi va ikkinchi raketkalari Humoyun Sultonov hamda Sergey Fomin ham ishtirok etyapti. 

Sultonov ilk davrada kolumbiyalik Alexandro Rodrigesdan 7/5, 6/2 hisobida ustun kelgandi. Ikkinchi bosqichda esa portugaliyalik Rodrigo Fernandes 6/1, 6/2 hisobida mag'lub etildi. Bugun u 1/4 finalda ispaniyalik Karlos Lopes Montagudga qarshi kortga chiqadi. 

Afsuski, Sergey Fomin 1/4 final uchrashuvida reytingda o'zidan 200 pog'ona yuqorida borayotgan ispaniyalik Martin Landalusega 1/6, 6/7, tay-brekda 10:12 hisobida imkoniyatni boy berib qo'ydi. Fomin ATP reytingida 665, Landaluse 465-pog'onani egallab turibdi. 

Taqqoslash uchun, turnirda to'rtinchi raqam ostida tasniflangan Sultonov ATP reytingida 354, Montagud 430-pog'onadan joy olgan. Bu tennischilarning o'zaro o'tkazgan ilk uchrashuvi bo'ladi. Ushbu bahs bizning vaqt bilan soat 15:00da boshlanadi.