Sultonov reytingda o'zidan 223 pog'ona yuqoridagi tennischini mag'lub etdi

“Fyuchers” turkumiga kiruvchi Shymkent International turnirining asosiy to'rida kurashni davom ettirayotgan ikkinchi tennischimiz ham chorak final yo'llanmasini qo'lga kiritdi. Humoyun Sultonov reytingda o'zidan 223 pog'ona yuqoridagi rossiyalik Mixail Fufuginni taslim etdi.

Ikkinchi davra doirasidagi ushbu uchrashuvda istedodli hamyurtimiz raqibini 7:6(4), 1:6, 6:4 hisobida engdi. Endi u yarim final chiptasi uchun yana bir rossiyalik raketka ustasi Ilya Vasilevga qarshi kortga chiqadi.