Superliga 6-tur. Tomoshabinlar tashrifi kimda qanday?

Ortda qolgan turning 7ta uchrashuvini jami 52 475 nafar tomoshabin bevosita stadionning o'zida kuzatib borgan.

Bu esa har bir o'yinga o'rtacha 7 496 nafar muxlis kelganini anglatadi. Ishqibozlar tashrifi bo'yicha eng yaxshi ko'rsatkich “Buxoro” – “Bunyodkor” uchrashuvida qayd etildi. Gollarga boy tarzda kechgan uchrashuvni “Buxoro” stadionida 15547ta muxlis kuzatib borgan.

Bu borada aksincha vaziyat esa Toshkentda qayd etildi. Amaldagi chempion “Lokomotiv” o'yinlari tomoshabinlarda negadir katta qiziqish uyg'otmayotgandek tuyulmoqda. “Lokomotiv” – “Qizilqum” uchrashuviga atiga 867 nafar muxlis kirgani ham fikrimizni tasdiqlaydi.

“Lokomotiv” – “Qizilqum” 3:1.
Toshkent. “Lokomotiv” stadioni. 867 tomoshabin.

“So'g'diyona” – “Paxtakor” 1:2.
Jizzax. “So'g'diyona” stadioni. 3723 tomoshabin.

“Metallurg” – “Qo'qon-1912” 3:1.
Bekobod. “Metallurg” stadioni. 6220 tomoshabin

“Surxon” – “Andijon” 0:0.
Termiz. “Surxon” stadioni. 6728 tomoshabin.

“Dinamo” – “Navbahor” 2:2.
Samarqand. “Dinamo” stadioni. 8147 tomoshabin.

“Nasaf” – AGMK 4:0.
Qarshi. “Markaziy” stadioni. 11243 tomoshabin.

“Buxoro” – “Bunyodkor” 2:2.
Buxoro. “Buxoro” stadioni. 15547 tomoshabin.