Superliga. Bugun 8-turning oxirgi uchta o'yini bo'ladi

"Bunyodkor" - "Qo'qon-1912"

Bu mavsum hali o'z stadionlarida umuman o'yin o'tkazmagan ikki klub to'qnashui. Bu turda "qaldirg'ochlar" TTYMI stadionda o'ynashadi.

Bu jamoalar bugunga qadar O'zbekiston chempionatida sakkiz marta ro'baro kelishgan. Uchrshuvlarning oltitasida “Bunyodkor” g'alabaga erishgan. Ikki uchrashuvda "Qo'qon-1912" raqibdan ustun kelgan.

"Bunyodkor" ham, "Qo'qon-1912" ham ikki turdan buyon yuta olmayapti. 

"Surxon" - "Buxoro"

Bu klublar O'zbekiston chempionatida 24 marta to'qnash kelishgan. Katta ustunlik "Buxoro" tomonida - 15 g'alaba. Besh bor "Surxon" 3 ochkoga ega chiqqan va 4 marta durang kuzatilgan.

Oxirgi uchta o'zaro o'yinning barchasida "Buxoro" g'olib bo'lgan ekan.

Bu mavsumda "Buxoro" uchta uchrashuvdan buyon g'alaba qozona olmayapti. "Surxon"da esa g'alabasiz seriya 4ta o'yinga etdi. Bundan tashqari termizliklar 4ta o'yindan buyon gol ura olishmayapti.

"Surxon" bu yil o'z maydonida umuman yutqazgani yo'q (1 g'alaba va 3 durang). "Buxoro" esa safarda uchta o'yin o'tkazib uch xil natija qayd etdi (g'alaba, durang va mag'lubiyat). 

"Metallurg" - "Lokomotiv"

“Lokomotiv” shu paytga qadar “Metallurg”ga qarshi 30ta bahs o'tkazgan. O'zaro o'yinlarning 18tasida “temiryo'lchilar” jamoasi zafar quchgan. 4ta bellashuvda esa “konchilar”ning “qo'li baland” kelgan. Yana 8ta o'yin durang bilan nihoyasiga etgan.

“Temiryo'lchilar” Bekobodda “Metallurg” bilan o'tgan 15 bahsning 6tasida g'alaba qozongan bo'lsa, 4 bahs tomonlarning kuchi teng kelgan. Yana shuncha o'yinda bekobodliklar o'z uylariga g'alaba bilan qaytishgan.

"Metallurg" bu mavsum o'z maydonidagi uchta o'yinning barchasida raqiblarini mag'luba eta oldi. "Lokomotiv" esa safarda ikki uchrashuvda maydonga tushdi hamda bir g'alaba va bir mag'lubiyat qayd etdi.