Superliga. Bugun Andijon, Olmaliq va Navoiyda o'yinlar bor

ANDIJON — DINAMO

O'tgan yil quyi ligada o'ynagan ikki klubning o'zaro to'qnashuvi. "Andijon" ham, "Dinamo" ham bu mavsumda 7tadan gol o'tkazishdi.

"Burgutlar" o'z maydonlarida hozircha bitta uchrashuv o'tkazishdi va g'alaba qozonishdi. "Dinamo" esa safarda ikkita o'yinda maydonga tushib ikki bor mag'lubiyat alamini totib ko'rdi. Bu mavsum samarqandliklar safarda hozircha gol ura olishmayapti.

Bu ikki jamoa milliy chempionatimizda jami 40 marta to'qnash kelishgan. 18ta o'yinda "Dinamo" zafar quchgan, 14 marta "Andijon". Yana 8ta bahsda durang qayd etilgan.

"Andijon" oxirgi o'zaro 6ta o'yinning hech birida xoh uyda, xoh safarda bo'lsin "Dinamo"ni mag'lub eta olmayapti (1 durang va 5 mag'lubiyat).

Dastlabki 6ta turda eng kam gol urgan jamoa “Andijon” bo'ldi – 4ta gol. 

AGMK — SURXON

Mirjalol Qosimov Andrey Miklyaevga qarshi. Ikki yil oldin bu murabbiylar Toshkent derbisida to'qnash kelishardi.

Olmaliqliklar dastlabki 6ta turda eng kam ochko to'plab, musobaqa jadvalining eng so'nggi pog'onasidan o'rin olib turibdi.

“Surxon” oxirgi 3ta turda raqib darvozasiga umuman gol ura olgani yo'q. AGMK esa so'nggi ikki turda to'p kirita olmadi.

AGMK va “Surxon” klublari bu mavsum o'zaro birinchi marta to'qnash kelishadi. CHunki AGMK 2008 yil oliy ligaga chiqqan, “Surxon” esa 2004 yil oliy ligani tark etgan. 

QIZILQUM — BUNYODKOR

"Qizilqum" Superligadagi so'nggi 4ta o'yinning hech birida g'alaba qozona olmadi (1 durang va 3 mag'lubiyat). "Bunyodkor" esa aksincha oxirgi 4ta o'yinning hech birida mag'lub bo'lgani yo'q (3 g'alaba va 1 durang).

Bu ikki jamoa O'zbekiston chempionatiga shu kunga qadar 24 marta to'qnash kelishgan. "Qizilqum" bu o'yinlarning atigi 2tasida g'olib chiqqan. 4 marta durang kuzatilgan hamda 18 marta "Bunyodkor"ning qo'li baland kelgan.

"Qizilqum" o'z maydonida o'tgan 12ta uchrashuvning atigi bittasida mezbonlar g'olib bo'lishgan (2010 yil). "Qizilqum" o'z uyida "Bunyodkor"ni 9 yildan buyon yuta olmayapti.