Superliga. Bugun Samarqand, Qarshi va Buxoroda o'yinlar bor

Dastlabki beshta turda 7 ochko to'plagan ikki klub o'rtasidagi bahs. Har ikki jamoa ham 5ta turda 5tadan gol o'tkazib yubordi. "Dinamo" bu mavsumda Samarqandda umuman mag'lub bo'lgani yo'q - 2 g'alaba va 1 durang.

Bu jamoalar O'zbekiston chempionatida jami 46 marta to'qnash kelishgan. 25 uchrashuvda "lochinlar"ning qo'li baland kelgan. 13ta bahs "Dinamo"ning g'alabasi bilan tugagan va qolgan 8 o'yinda durang kuzatilgan.

So'nggi o'zaro ikki uchrashuvda "Navbahor" bir xil 1:0 hisoblarida zafar quchgan. Bu yil "Dinamo" darvozasini qo'riqlayotgan Botirali Ergashev o'tgan mavsumda "Navbahor" sharafini himoya qilgan edi.

Musobaqa jadvalining eng so'nggi pog'onasida borayotgan klublar o'rtasidagi to'qnashuv. AGMK ham, "Nasaf" ham 5ta turda 4tadan ochko to'plashdi.

"Ajdarlar" ketma-ket uchta turdan buyon, olmaliqliklar esa ketma-ket ikki turdan buyon mag'lub bo'lishmoqda. Mirjalol Qosimov boshchiligidagi AGMK bu mavsum safarda ikkita uchrashuv o'tkazdi va har ikkalasida mag'lub bo'ldi.

2018 yilgi mavsumni "Nasaf"da o'tkazgan Saydullo Rahmatov ayni paytda AGMK tarkibida o'ynamoqda. "Nasaf" bu jamoaga qarshi o'z maydonida 12ta o'yin o'tkazgan. Bu o'yinlarning 8tasida mezbonlar zafar quchishgan. AGMK Qarshida faqat bir marta (2018 yil) g'olib bo'lgan va 3 bor durang qayd etgan.

"Ajdarlar" o'z maydonidagi oxirgi ikki uchrashuvda Olmaliq jamoasini mag'lub eta olishmagan. Baxtiyor Ashurmatov sobiq klubiga qarshi. "Bunyodkor" oxirgi uch turdan buyon g'alaba qozonib kelmoqda. "Buxoro" esa bu mavsum o'z maydonida umuman g'alaba qozona olgani yo'q.

"Buxoro" himoyachisi Ergash Ismoilov "Bunyodkor"dan ijaraga olingan.

Bu ikki klub O'zbekiston chempionatida 24 marta to'qnash kelishgan va 19 marta "qaldirg'ochlar" zafar quchishgan. To'rtta uchrashuvda durang kuzatilgan. "Buxoro" o'z tarixida bir martagina "Bunyodkor"ni mag'lub etgan (2017 yil).

"Buxoro" oxirgi ikki uchrashuvda "Bunyodkor"ga umuman gol ura olmagan va ikki bor mag'lub bo'lgan.