07 fev 13:26
Yangiliklar

Futbol

Superliga va PRO-ligada badal pullari oshirildi

PFL yangi mavsum uchun reglamentda klublarning Superliga va PRO-ligada ishtirok etish uchun to'lanadigan badal pullar miqdorini malum qildi.

"2019 yilgi mavsum uchun Superligada ishtirok etishning badali umumiy 600 000 000 so'mni tashkil qiladi. Bunda jamoaning ayollar hamda futzal klublari tomonidan to'lanishi kerak bo'lgan badal puli ham qo'shib hisoblangan", - deb yoziladi yangi mavsum reglamentida.

Malumot uchun, 2018 yil uchun Superligada ishtirok etish uchun badal puli 500 000 000 so'mni tashkil etgan edi.

Bundan tashqari quyi liga badal pullari endi turlicha bo'ladi.

"2019 yilgi mavsumda Pro-liga “A”da ishtirok etish uchun badal 250 000 000 so'mni tashkil qiladi. Bunda jamoaning ayollar hamda futzal klublari tomonidan to'lanishi kerak bo'lgan badal puli ham qo'shib hisoblangan. Pro-liga “V”da ishtirok etish uchun ariza badali 100 000 000 so'mni tashkil qiladi", - deb yozilgan yangi mavsum reglamentida.

Malumot uchun, 2018 yil uchun PRO-ligada ishtirok etish uchun umumiy badal puli 40 000 000 so'mni tashkil etgan edi.