Suzuvchilarimiz Osiyo chempionatini to'rtta medal bilan boshlashdi

Etiborlisi, musobaqa terma jamoamiz vakillari uchun muvaffaqiyatli boshlandi. Ayni paytgacha o'tkazilgan bellashuvlar natijasi bo'yicha vakillarimiz to'rtta medal jamg'arishga muvaffaq bo'ldilar.

Terma jamoamiz etakchilaridan biri Vladislav Mustafin 100 metrga brass usulda suzish bo'yicha kattalar o'rtasidagi bahsda 1:01.41 natija bilan marraga birinchi bo'lib keldi. Xuddi shu masofa va yo'nalishda yoshlar o'rtasida Aleksey Sidorchuk bronza medali bilan taqdirlangan bo'lsa, 50 metrga chalqancha usulda kechgan bahslarda Adil Yusupbaev kumush medalni qo'lga kiritdi.

SHuningdek, erkaklar o'rtasida erkin usulda suzish bo'yicha 4x100 metr estafetasida yigitlarimiz shohsupaning uchinchi pog'onasiga ko'tarilishdi. Parallel ravishda o'tayotgan suv polosi bahslarida ayollar terma jamoamiz dastlabki turda musobaqa mezbonlarini yirik 28:5 hisobida dog'da qoldirdi. 

Takidlash joiz, ushbu musobaqa jamoamiz uchun Tokio Olimpiadasiga yo'llanma beruvchi turnir oldidan o'ziga xos tayyorgarlik vazifasini bajarib beradi. 

Eslatib o'tamiz, ikki yilda bir marotaba o'tkaziladigan ushbu chempionatga 2017 yil Toshkent shahri mezbonlik qilgan edi.