06 sen 07:53
Yangiliklar

Tennis

Svitolinani mag'lub etgan Serena 10-marotaba US Open finaliga chiqdi

AQSHning Nyu-York shahrida o'tkazilayotgan “Katta Dubulg'a” turkumiga kiruvchi US Open turniri o'zining hal qiluvchi pallasiga kirdi.

Ayollar o'rtasidagi musobaqaning yakkalik bahslarida ilk finalchining nomi malum bo'ldi. Dunyoning sakkizinchi raketkasi bo'lib turgan amerikalik Serena Uilyams o'z faoliyatida 10-marotaba AQSH Ochiq chempionatining finaliga yo'l oldi.

Serena 1 soatu 11 daqiqa davom etgan yarim final uchrashuvida WTA reytingida 5-pog'onadan joy olgan Svitolinani ortiqcha qiyinchiliksiz 6:3, 6:1 hisobida taslim etdi. Uilyamsning hal qiluvchi final bahsidagi raqibasi ayni daqiqalarda davom etayotgan Belinda Benchich (SHveycariya) - Byanka Andreesku (Kanada) uchrashuvidan so'ng malum bo'ladi.

Malumot uchun, Serena Uilyams US Open turnirining olti karra g'olibasi hisoblanadi. O'tgan yili u finalda yaponiyalik Naomi Osakaga imkoniyatni boy bergan edi.