Taekvondo bo'yicha terma jamoamizda xorijlik shifokor ish boshlamoqda

Kecha mutaxassis MOQ rahbariyati bilan dastlabki rejalarni muhokama qilib oldi. 

Uchrashuvda Qo'mita raisi o'rinbosari, mamlakat taekvondo WT associaciyasi raisi SHerzod Tashmatov, MOQ qoshidagi Respublika sport tibbiyoti ilmiy-amaliy markazi direktori Kamol Sirojitdinov, terma jamoa bosh murabbiyi Pavel Xan ishtirok etishdi. 

Qayd etish joiz, Aleksey CHernev o'zbek sporti uchun begona emas. Tokio-2020 yozgi Olimpiya o'yinlariga tayyorgarlik jarayonida CHernev va uning yana bir hamkasbi sportchilarimizning musobaqaga tayyorgarlik ko'rishida yordam bergan. 

SHerzod Tashmatov suhbat davomida sportchilarimizni joriy yil o'tadigan jahon chempionati, Osiyo o'yinlari va boshqa nufuzli musobaqalar kutib turgani haqida malumot berdi. SHuningdek, bu musobaqalarga tayyorgarlik uchun murabbiylar shtabi bilan ishlab chiqilgan reja haqida batafsil to'xtaldi. 

O'z navbatida, ukrainalik mutaxassis o'zbek sportining potenciali haqida ijobiy fikr bildirib, terma jamoamizda ishlashdan mamnun ekanini takidladi. SHuningdek, suhbat davomida tajribali mutaxassisning malakalaridan boshqa sport turlaridagi terma jamoalarda ham foydalanish, Markaz bilan doimiy hamkorlikda ishlash bo'yicha fikr almashildi.