10 iyu 08:25
Yangiliklar
Taekvondo
Taekvondo. Rim Gran-Prisining ikkinchi kunida Feruza Sodiqova hamda Svetlana Osipova g'oliblik uchun kurashadi
Bugun Italiya poytaxti Rim shahrida taekvondo WT bo'yicha Gran-Pri musobaqasining ikkinchi kunidan o'rin olgan bellashuvlar bo'lib o'tadi.
Kecha, musobaqaning ilk kunida O'zbekiston terma jamoasidan Ulug'bek Rashitov (-68 kg) hamda Nikita Rafalovich (+80 kg) bahslarda ishtirok etib, oltin hamda kumush medallarni qo'lga kiritgan edi.
Bugungi kun doirasida ham ikki hamyurtimiz - Feruza Sodiqova (-67 kg) hamda Svetlana Osipovaga (+67 kg) muxlislik qilamiz.
Ular Rim Gran-Prisini quyidagi raqiblariga qarshi boshlaydi:
-67 kg: Feruza Sodiqova - Jolanta Tarvida (Latviya) (13:25 dan so'ng)
+67 kg: Svetlana Osipova - Belen Romero Moran (Ispaniya) (12:15 dan so'ng).
Eslatib o'tamiz, Svetlana Osipova yaqinda Bokuda bo'lib o'tgan jahon chempionatida kumush, Feruza Sodiqova esa bronza medalini qo'lga kiritgan edi.
Havola :
Manba : olamsport.com
Fikrlar