Taekvondo. "Usi Katta dubulg'a" turniri uchun saralash musobaqasining ilk kunida Ozoda Sobirjonova yo'llanmaga ega chiqdi

Kun davomida erkaklar -68 kg, +80 kg vazn toifalarida, ayollar esa -49 hamda -67 kg vazn toifalarida bahs olib bormoqda.

Avval, malum qilganimizdek, -67 kg vazn toifasida terma jamoamiz sharafini Feruza Sodiqova hamda Ozoda Sobirjonova himoya qildi. Sodiqova o'zining ilk jangida Xalqaro neytral sportchi Valeriya Skaprovskani, Sobirjonova esa xitoylik Xuan Dangni mag'lub etdi. Nimchorak final bosqichida esa, qura tufayli sportchilarimiz o'zaro to'qnash kelishdi. Murabbiylar shtabi qaroriga ko'ra, Sobirjonova keyingi bosqichga yo'l oldi. CHorak finalda Ozoda britaniyalik Aliya Povellga imkoniyatni boy berganiga qaramay, "Usi Katta dubulg'a" turniri final bosqichiga yo'l oldi.

Malumot o'rnida, Feruza Sodiqova hamda +80 kg vazn toifasida terma jamoamiz azosi Nikita Rafalovich musobaqaning hal qiluvchi bosqichiga to'gridan-to'gri yo'llanma olgan.