So’nggi yangiliklar

11:13Макгрегор Перрининг устидан мазах қилди 0 10:35Тошкентда дзюдо бўйича ёшлар ўртасидаги Жаҳон чемпионати старт олди 0 09:56Хабиб октагонга қайтиш учун таклиф қилинган 200 миллион доллардан воз кечди 0 09:05ЖЧ-2030`да ҳам сув ичиш учун танаффуслар сақланиб қолиши мумкин 0 08:34Рейтингнинг Топ-3`талигидаги жангчи UFC`дан ҳайдалди 0 08:03Жаҳонгир Нажмиддинов ҳам Octagon 94 турнирида жанг қилади 0 07:32Ёшлар ўртасидаги жаҳон чемпионатининг илк куни 12 нафар дзюдочимиз баҳсларга киришади 0 07:01Маурисио Почеттино "Манчестер Юнайтед" базасига етиб келди ва ишга киришди 0 19:30Богдан Гусков Роберт Уиттакерга мурожаат қилди 0 18:51Илия Топурия: "Мақсадим — Гэтжи билан реванш, аммо..." 0 18:15"Кичкина одамни мағлуб этсам, бу менга ҳеч қандай обрў келтирмайди". Шара Буллет Царукян билан эҳтимолий жанг ҳақида 0 18:10Ёшлар ўртасидаги жаҳон чемпионатига қуръа ташланди (Жуфтликлар) 0 17:42Ўзбекистон терма жамоаси Саудия Арабистони устидан ғалабадан сўнг ФИФА рейтингида бир поғона кўтарилди 0 17:05"У афсона". Асу Алмабаев бўлажак рақиби ҳақида фикр билдирди 0 16:29"Энди уларни ҳурмат қилмайман". Собиқ чемпион Нурмагомедов жамоаси ҳақида гапирди 0

03 fev 15:30
Yangiliklar

Boks/MMA, Kurash, Dzyudo, Taekvondo, Paralimpiya

Tahlil va talqin. Mashaqqatlar mevasi

Teglar :  Toshkent viloyati
Yoshlarning jismoniy tarbiya va sportga bo'lgan ishtiyoqini uyg'otishda, katta sport sari dadil borishida va albatta xalqaro musobaqalarda mamlakat nomidan ishtirok etib, g'alabaga erishishida sport maktablarining o'rni beqiyos.

Xususan, ko'p yillardan buyon sport turlari bo'yicha terma jamoalarimizga munosib nomzodlarni etishtirib berayotgan, chempionlarni tayyorlayotgan Toshkent viloyati Yakkakurash sport turlariga ixtisoslashtirilgan sport maktabida ham xuddi shunday. Yani, ommaviylik, rivojlantirish, terma jamoalarga munosib sportchi etkazish, sportchilarini xalqaro musobaqalarda kuchlilar qatorida bo'lishi. 

Bugun mazkur Yakka kurash sport turlariga ixtisoslashtirilgan sport maktabida boks, velosport (shosse), velosport (mtb), dzyudo, og'ir atletika, taekvondo WT, karate WKF, erkin kurash, yunon-rum kurashi, o'q otish, kurash, belbog'li kurash, qo'l jangi, shotokan karate-do, paravelosport, parapauerlifting sport turlari bo'yicha 755 nafar o'g'il bolalar va qizlar 87 nafar malakali murabbiylar qo'l ostida muntazam mashg'ulotlarga qatnaydi. 

Mashg'ulotlarga zo'r berayotgan sport maktabi yoshlari mamlakat va xalqaro musobaqalardagi natijalari etirofga sazovor. Agar natijadorlikka etibor qaratadigan bo'lsak, sport maktabining yildan yilga o'sish kuzatilayotganiga guvoh bo'lish mumkin. Keling, shu o'rinda ushbu ixtisoslashtirilgan sport maktabi sportchilari tomonidan ortda qolgan 2023 yildagi yutuqlariga nazar solamiz.

Hozirda sport maktabining 90 nafarga yaqin shug'ullanuvchilari sport turlari bo'yicha O'zbekiston terma jamoalarining asosiy va zahira tarkibidan o'rin egallagan. O'tgan yil yakuni bo'yicha O'zbekiston chempionatlari va kubok bellashuvlarida 207 nafar, Osiyo chempionati va kubogida 27 nafar hamda jahon chempionati va kubogida 3 nafar sportchi g'olib va sovrindorlar qatoridan o'rin egallashga muvaffaq bo'lishdi.

Jumladan, taekvondo WT bo'yicha bo'lib o'tgan jahon chempionatida Svetlana Osipova kumush, Feruza Sadiqova bronza medallariga ega chiqqan bo'lsa, Toshkent shahrida boks bo'yicha kattalar o'rtasida o'tkazilgan jahon chempionatida Oybek Jo'raev kumush medalga ega bo'ldi. 2023 yili Xanchjou (Xitoy) shahrida bo'lib o'tgan XIX Yozgi Osiyo va IV Paraosiyo o'yinlarida sport maktabi sportchilari ham terma jamoamiz tarkibida ishtirok etib, munosib natijalarni qo'lga kiritishdi.

Demak, kurash bo'yicha Artyom SHturbabin oltin medal, o'q otishdan Javohir Sohibov kumush, taekvondo WT bo'yicha Feruza Sodiqova kumush, taekvondo WT bo'yicha CHaros Qayumova, Svetlana Osipova bronza hamda boks bo'yicha To'rabek Xabibullaev bronza medaliga sazovor bo'lishdi. 

SHuningdek, Osiyo chempionati va kubogi musobaqalarida Abdulla Rajabov, Muhammadqodir Mamirjonov, SHavkat Boltaev, Aselya Tulyagenova (boks), Odinaxon Hamdamova, Mirjalol Qurbonov (paravelosport), Pokiza Kamoliddinova, Artyom SHturbabin (kurash), Ixtiyor Botirov (yunon-rum kurashi), Jamila Panfilova (og'ir atletika) g'olib va sovrindorlar qatoridan o'rin egallashdi.

Bundan tashqari Yakkakurash sport turlariga ixtisoslashtirilgan sport maktabining 3 nafar sportchi-o'quvchilaridan Javohir  Sohibov  (o'q otish), Mirzakamron Yunusov (boks) va SHohrux Saidovlar (boks) O'zbekiston chempionati va kubogi hamda xalqaro musobaqalarda yuqori natijalarga erishgani bois, oliy talim muassasalariga imtiyozli kirish yo'llanmasiga ega bo'lishgan.

Toshkent viloyati sport boshqarmasiga qarashli Yakka kurash sport turlariga ixtisoslashtirilgan sport maktabi tomonidan hozirgi kunga qadar 7 nafar “Halqaro toifadagi O'zbekiston sport ustasi” va 21 nafar “O'zbekiston Sport ustasi” unvonli sportchilar tayyorlangan.

Har bir sport-talim muassasasi sportchisining orzusi olimpiya o'yinlarida ishtirok etish sanaladi. Bu borada ham sport maktabi direktori Doniyor Rixsiboev boshchiligidagi jamoa astoydil ish olib borishmoqda. Ayni paytda Parij-2024 Olimpiya o'yinlariga licenziya olish uchun sport-talim muassasaning 10 nafar sportchilari kurash olib borishmoqda.

Quvonarlisi, hozircha taekvondo WT sport turidan Svetlana Osipova, para taekvondochi Asadbek Toshtemirovlar navbatdagi olimpiya o'yinlariga yo'llanmani naqd qilishgan. Xullas, bu ko'rsatgich va natijalar birgina 2023 yilda jonkuyar va tajribali murabbiylarning shogirdlari tomonidan erishilgan.

2024 yilda esa natijalar salmog'i bundanda yuqori bo'lishi bor gap. Darvoqe, natijadorlik yuqori bo'lgani va olimpiya o'yinlariga yo'llanmalar qo'lga kiritilayotgani sabab, ortda qolgan yil sarhisobida ushbu Yakka kurash sport turlariga ixtisoslashtirilgan sport maktabi Toshkent viloyati sport boshqarmasi tomonidan eng yaxshi sport maktablari qatorida  etirof etildi.

Ilhom RAHMONOV tayyorladi

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing