11 noy 12:19
Yangiliklar

Boks/MMA

Tailandlik chempion ikkinchi kamar uchun jang qiladi. Aslida u WBA kamarini Hasanboy Do'smatovdan himoya qilishi kerak!

Xabaringiz bor, 16 noyabr kuni Saudiya Arabistonining Ar-Riyod shahrida Riyadh Season doirasidagi navbatdagi boks oqshomi o'tkaziladi.

Unda minimal vazn toifasida WBA chempioni, tailandlik Tammanun Niyomtrong ham ringga ko'tariladigan bo'ldi. Tammanun o'sha kuni vaznning WBO yo'nalishida chempioni bo'lib turgan Oskar Kollazo bilan to'qnash keladi.

Niyomtrongning hisobida 25 ta g'alaba bor va u hozirga qadar mag'lubiyatga uchramagan. Puerto-Riko vakili bo'lgan Kollazo esa hozirgacha 10 ta g'alabaga erishgan.

Malumot o'rnida, o'zbekistonlik bokschi Hasanboy Do'smatov Tammanun Niyomtrongning WBA kamari uchun hali hamon majburiy davogar bo'lib turibdi.