Talaba-sportchilar yugurish musobaqasida ustozlar bayramini nishonlashdi FOTOREPORTAJ

Aynan ommaviy sport targ'ibotchilarini, professional sport murabbiy va mutaxassislarini tayyorlaydigan tayanch oliy o'quv yurti hisoblangan O'zbekiston davlat jismoniy tarbiya va sport universitetida 1-oktabr – O'qituvchi va murabbiylar kuni»ga bag'ishlab ilk bor turli yosh toifasida kross yugurish musobaqasi tashkil etildi.

Bayramona tarzda uyushtirilgan yugurish musobaqalari erta tongdan barchani sog'lom turmush tarziga oshno etdi.

300 nafarga yaqin professor-o'qituvchilar, oliygohning hamkor xorijiy universitet vakillari, ishchi xodimlar, sport turlari bo'yicha terma jamoa azolari, 1500 dan ziyod universitet hamda CHirchiq shahridagi bir qator oliy talim muassasasi talabalari va mahalla yoshlarini qamrab olgan yugurish musobaqalarining turli yo'nalishlarida SHerullo Lutfullaev, Farhod Kucharov, Sunnatilla Otamurodov, Javlon Ishtaev, SHohjahon Qilichev, Natalya Asanova Farida To'lqinboeva, Sabina SHirieva singari olovqalb yoshlar qatori Iqrorjon Soliev, Surat Usmonxo'jaev, Javlon Ishtaev, Umar To'raqulov, Alyona Tumyan, Zulfiya Agzamovadek o'qituvchi olimlar g'olib va sovrindorlar qatoridan joy egalladi.

Yugurish musobaqalarida talaba sportchilar, mahalla yoshlari bilan birga boks, triatlon, engil atletika, dzyudo kabi bir qator sport turlari bo'yicha O'zbekiston terma jamoasi azolari, jahon va qita chempionlari, faxriy sportchilar, tajribali murabbiylar ishtirok etdi.

Tadbirda takidlanganidek, ommaviy sportni rivojlantirmay turib xalqaro sport maydonlarida yuksak natijalarga erishib bo'lmaydi. SHu manoda, bo'lg'usi sport mutaxassislari eng avvalo ommaviy sport bilan, yugurish bilan shug'ullanishi, boshqalarda ham sog'lom turmush tarziga mehr uyg'otmog'i kerakki, bu, yoshlar barkamolligini, aholi genofondini sog'lomlashtirishga qo'shilgan munosib hissa hisoblanadi.