Taqvim. Sportchilarimizning bugungi ishtirokiga doir

Asosiy etiborimiz dzyudo bahslariga qaratalishi tayin. Boisi, aynan dzyudo musobaqasida medallar jamlanmasi o'ynaladi. 66 kg vazn toifasidagi hamyurtimiz Rishod Sobirov o'zining uchinchi Olimpiada medali sari yurishini boshlaydi.

Toshkent vaqti bilan soat 18:00dan etiboran kunduzgi dasturdan o'rin olgan saralash bahslari boshlanadi. Aynan shu vaqtda Rishod Sobirov belaruslik Dmitriy SHershanga qarshi tatamiga chiqadi.

SHuningdek, bugun 69 kg vazn toifasidagi bokschimiz SHahram G'iyosov ham ilk jangida ringga ko'tariladi. Bu SHahram uchun Olimpiadadagi debyut jang bo'ladi. Buxoro boks maktabi tarbiyalanuvchisi Toshkent vaqti bilan soat 01:45da ispaniyalik Youba Ndyae Sissokoga qarshi ringga chiqadi.

Rio-2016 o'yinlarining stol tennisi musobaqasida ishtirok etayotgan yagona hamyurtimiz Zohid Kenjaev bugun ikkinchi uchrashuvini o'tkazadi. Bizning vaqt bilan soat 18:00da u Liam Pichfordga qarshi bahslarga kirishadi. Kecha Kenjaev chexiyalik Lyubomir Yankarikni 4:2 (8:11, 11:2, 13:11, 11:6, 8:11, 11:9) hisobida mag'lub etgandi.

O'zining tarixiy ettinchi Olimpiadasida ishtirok etayotgan hamyurtimiz Oksana CHusovitina ham aynan bugun bahslarga kirishadi. Olimpiada tarixiga kirgan 41 yoshli vakilamiz sport gimnastikasining tayanib sakrash musobaqasining saralash bahslarida qatnashadi.

Akademik eshkak eshish musobaqasida SHahboz Xolmirzaev o'tish turnirida yana bir bor o'z imkoniyatini sinovdan o'tkazadi. Mamlakatimizning birinchi raqamli tennischisi Denis Istomin esa Toshkent vaqtida bilan soat 19:00da ispaniyalik David Ferrerga qarshi kortga chiqadi.