"Tashkent Chess 2024" bosh sovrini va 100 000 000 Hindistonga ketdi

Mukofot jamg'armasi 300 million so'mni tashkil etgan "Tashkent Chess 2024" turnirida yurtimiz shaxmatchilari bilan bir qator dunyoning 15 davlatidan kelgan jami 400 nafarga yaqin ishtirokchi bosh sovrin uchun bahs olib borishdi. 

To'qqiz tur yakunlariga hindistonlik grossmeyster Adhiban Baskaran 7,5 ochko bilan musobaqa g'olibi hamda 100 million so'm miqdorida pul mukofoti sohibiga aylandi. Sobiq hamyurtimiz Timur Gareev 7 ochko bilan ikkinchi o'rinni egalladi. Kuchli uchlikka Azamat Utegaliev yakun yasab berdi. Qozog'istonlik 6 ochko bilan qo'shimcha ko'rsatkichlarga ko'ra uchinchi pog'onani band etdi. 

Xitoylik Ren Jie Huang, qozog'istonlik Rinat Jumaboev va hamyurtimiz Abdumalik Abdusalimov ham 6 ochko jamg'ardi. Ular qo'shimcha koeficentlarga ko'ra keyingi o'rinlarni bo'lishib olishdi. Ikkinchi o'rin egasi 50, uchinchi o'rin sohibi 25 million so'm mukofot puliga ham ega chiqdi.      

Poytaxtimizdagi "Renessans" kino uyida "Tashkent Chess 2024" - Toshkent shahar hokimi kubogi g'oliblarini tantanali taqdirlash marosimi bo'lib o'tdi. Tadbirda Toshkent shahar hokimi SHavkat Umurzoqov so'zga chiqib, bunday musobaqalar shaxmat sportini rivojlantirishda muhim ahamiyatga ega ekanligini takidladi.