Tashkent Grand Slam 2025 arenasi ko'zdan kechirildi

Aniqog'i, 28 fevral - 2 mart kunlari Toshkent shahrida "Katta Dubulg'a" turkumiga kiruvchi turnir bo'lib o'tadi. Uch kun davom etadigan nufuzli musobaqa "Yunusobod" sport majmuasida tashkil etiladi. 

Xalqaro dzyudo federaciyasi (IJF) etakchi mutaxassisi Abdulla Murodov O'zbekiston dzyudo federaciyasi bosh kotibi Aziz Sobirov, federaciya raisi maslahatchisi Kseniya Gulyamova va boshqa masullar boshchiligida "Yunusobod" sport majmuasini ko'zdan kechirishdi. Abdulla Murodov dzyudochilar, referilar, ommaviy axborot vositalari xodimlari, muxlislar uchun yaratiladigan sharoitlar yuzasidan o'z tavsiyalarini berdi.       

Eslatib o'tamiz, bu yilgi Tashkent Grand Slam turniri 1-3 mart kunlari o'tkazilgan va unda dunyoning 68 davlatidan jami 495 nafar dzyudochi medallar hamda Olimpiada yo'lidagi reyting ochkolari uchun tatamiga chiqishgandi. O'zbekiston terma jamoasi 2 ta oltin, 1 ta kumush, 3 ta bronza medali bilan umumjamoa hisobida Franciya va Yaponiyadan keyin 3-o'rinni egallagan edi.